Hati hii ni sehemu ya makubaliano kati yako na Deriv na inapaswa kusomwa pamoja na Masharti ya Jumla ya Matumizi kwa wateja ("Masharti ya Jumla"). Masharti yoyote yaliyofafanuliwa yanayotumika katika masharti haya ya ziada yatakuwa na maana iliyotolewa katika Masharti ya Jumla.
1. Utangulizi
1.1. Masharti haya ya ziada yanatumika kwa wateja wote walio na akaunti na Deriv (BVI) Ltd.
1.2. Iwapo kutakuwa na tofauti au mkengeuko wowote kati ya masharti haya ya ziada na/au nyaraka nyingine zozote zinazounda sehemu ya Mkataba, masharti haya ya ziada yatashinda kuhusiana na akaunti yako na Deriv (BVI) Ltd.
1.3. Deriv (BVI) Ltd. ina leseni chini ya Securities and Investment Business Act kutoa huduma za uwekezaji, na inaidhinishwa na kudhibitiwa na British Virgin Islands Financial Services Commission (“BVIFSC”).
2. Kushughulikia fedha zako
2.1. Tunaweza kutumia fedha zako kutimiza wajibu tulizopata katika kuweka margin, kurekebisha, au kukamilisha Biashara zako za derivatives.
2.2. Tunahifadhi fedha zako katika akaunti za benki ambazo ni tofauti na akaunti zetu za uendeshaji. Endapo kutatokea ufilisi, tuna mipango ya mikopo kati yetu na kampuni yetu mama ambayo daima, kwa kiwango cha chini kabisa, itashughulikia madeni yoyote yanayodaiwa kwa wateja.
3. Utekelezaji wa oda
3.1. Kulingana na masharti ya leseni yetu, tutakuwa mshirika wa pande mbili (counterparty) katika Biashara yako. Tutafanya kazi kama wakala kwa niaba yako tunapotekeleza maagizo yako, au kama mdau mkuu (principal), ambapo tutakuwa sehemu yako pekee ya utekelezaji kwa Biashara zote.
3.2. Agizo linapowekwa kununua au kuuza chombo kwenye akaunti yako ya Deriv MT5, agizo lako linaweza kupitishwa kwa mtoa huduma wa ukwasi (liquidity provider) anayetupatia huduma.
4. Maswali ya jumla
4.1. Ikiwa una swali kuhusu akaunti yako ya biashara na Deriv (BVI) Ltd., unaweza kuwasiliana nasi kupitia Kituo cha Msaada chetu au kwa kuzungumza na mwakilishi kupitia live chat.
4.2. Tumejitolea kutatua swali lako kwa muda mfupi iwezekanavyo na tunathamini uvumilivu wako wa kutupa muda wa kutatua jambo hilo.
4.3. Iwapo hatuwezi kutatua swali lako au unahisi jibu letu halikuridhishi, unaweza kuwasilisha malalamiko rasmi kwetu, kwa kufuata mchakato ulioelezwa katika sehemu ya “Malalamiko” hapa chini.
5. Malalamiko
5.1. Iwapo ungependa kuwasilisha malalamiko kuhusu Huduma zetu, unaweza kutuma maelezo yanayohusiana na malalamiko yako kwetu kupitia complaints@deriv.com. Tutachunguza ombi lako na kukutumia jibu la mwisho ndani ya siku 15 za kazi kuanzia tarehe ambayo malalamiko yalipokelewa.
5.2. Iwapo malalamiko yako ni ya kiwango kikubwa (angalia hapa chini) na hatujayatatua kwa kiwango kinachokuridhisha ndani ya miezi 3 kuanzia tarehe ambayo malalamiko yako yalipokelewa, unaweza kuyapeleka malalamiko yako kwa BVIFSC.
5.3. Kulingana na Kifungu cha 69B(1) cha Regulatory Code, malalamiko huchukuliwa kuwa ya kiwango kikubwa pale yanapodai mojawapo au zaidi ya yafuatayo:
5.3.1. Ukiukaji wa sheria ya udhibiti;
5.3.2. Nia mbaya, utovu wa maadili ya kitaaluma, au ukiukaji wa maadili upande wa mwenye leseni au mmoja wa wakurugenzi wake, wafanyakazi, au mawakala;
5.3.3. Kurudiwa au kujirudia kwa suala lililolalamikiwa hapo awali (kama ni kubwa au la); au
5.3.4. Kwamba mlalamikaji amepata, au anaweza kupata, hasara ya kifedha ambayo ni muhimu kuhusiana na hali yake ya kifedha.
